أبيات شعرية

 يعد نفسه من أهل روس الأموال من كثر ما يقعد معاهم ويجلس ثوبه مهب من هم ولا هو بميّال من السوالف تدري إنه مفلس متابع التجار شيبان وعيال هذا ورَث هذا شرَى ذا ما أعرس وش لك بهم اتراقب ومشغل البال خل لك بحالك وعلى قدك إلبس الخيل لا تركَبْه إذا منت خيّال دربٍ مهب دربك خطأ فيه تدعس مأجور من هو مقتنع عارف الحال والله حسيب الي علينا يتغطرس

  إن كان ما جينا على البال بدري ما همني لو جيت بالبال تالي ان دارت الأيام بتعرف قدري في وقتها ما ألتفت لك محالي ما أنصحك يا هيه تخْتبْر صبري مجنون من ينطح برأسه جبالي غرك زمانك منتب اللي بخبري ما تذكر الوقفات ذيك الليالي مداتنا ما نذخره وأنت تدري وفزعاتنا تاتي بدون السؤالي ماني بواهم عارفين اللي يجري ونفرق الواقع عن اللي خيالي لا والذي بيديه نفسي وعمري ما للمهونة في حياتي مجالي