أبيات شعرية

تمشي فخر هامتك مرفوعةٍ فوق ومطلقٍ بسمة ومع زين هندام فيك الرزانة بالفعل منت مطفوق فيك الصراحة دوم ولا انته بنمام بالمرجلة ما يختلف فيك مخلوق معدنك ما غيّر صفاوته الأيام حكيك ذهب تتفوّه بطيب منطوق توزن كلامك دوم في فمك صمّام للمجد تاصل والعراقيل ما تعوق متمركزٍ عالي بو فواز قدّام   مايو 2021م

 سق لي يبو خالد سطولٍ من الكيف من وارد البحرين نخلة وفاخر نحوم ونبحث ما تهم التكاليف محدن على الموجود راضي وصابر الكيف ما هو كيف صاير سواليف طعمه تردّى وانت شايف وخابر يا ما حلى رأسٍ وسط اخضر الريف والجمر محتميٍ على الرأس ساعر واللّي منتصبٍ تقل كنّه السيف مع سحبتٍ منه تزين الخواطر ويّا رجالٍ فعلهم مب سواليف يا زين جلستهم عسى دوم عامر  فبراير 2021م

يابوي غرّقتن بكثر الجمايل من دونكم حنا بليّا فعايل ما تهتني بالنومِ وفينا مايل                       ولا تسمح الدنيا خطرها يداهم ما التفت إلّا والاقيك جنبي بالعسر قبل اليسر خيرك يهبّي مهما بغينا من البلاوي نغبّي                           سبّاق للفزعات دايم مساهم وصل القرايب دايماً خطٍّ أحمر علمتنا قطع العلاقات يدمر هي التي تبقى اذا الشخص عمّر                       تنفع ولا ينفع كثير الدراهم وأمّي لها بالقلب خانة وسيعة من أجل واحدنا ذهبها تبيعه والي يزعّلها يا مال القطيعة                     بمْجرّد الفكرة تراك أنت واهم كم من ضعيفٍ من على دعمها عاش تعطي...