أبيات شعرية

جروح الزمن تبرى وتبقى به الآثار وسومٍ على الخدين كما جرة الوادي عيوني نشف دمعه كثر ما هلته مدرار سبب غيبة الي كان انسان مب عادي أخوي ورحل عنا وغادر بدون إشعار تركني كسير جناح والقلب وقادي أنا ودي أشوفك وأسلم سلامٍ حار وودي تحللٌني ويتحقق مرادي وش الذي حاصل! صحيح الزمن غدار قبل أمس هو معنا وبالصبح هو غادي قمت ألتفت حولي أصوّت يمين ايسار صدى صوتي يرجع لي وش نوحك تنادي أقول أني أحلّم أو انه صحيح وصار وأنادي بأعلى الصوت والصوت ما فادي أخوي الي يدارينا صغارٍ وحتى كبار عطوفٍ يساعدنا ودايم هو البادي بالدنيا هو خيّر ومصاحب الأخيار جميع البشر تطريه والناس شهّادي ياجعله متربع بالجنة بأوسع دار من الهم خالي البال ومريح وهادي عسى الجنة هي مأواه والمصطفى له جار وروحٍ وريحانٍ مع الطيب والكادي مايو 2026