أبيات شعرية

 انشدك عن بنتٍ معاشيقه كثار خصره سخيّف حاملٍ وسطه السيف في جوفها ميٍ وفي رأسها نار من صوتها تطرب ويستعدل الكيف أكبر بناته غيمةٍ ما به أمطار اتلاعب الإحساس مع كل تجويف نزبن لها لا من تزاحمن الأفكار ولا منّها زادت علينا الصواديف درنا ودارت والزمن طبعه دوار ما يأمن الدنيا من احساسه رهيف خلك قوي بأسٍ ولا تصير جوّار ما يهتني بالدنيا رجّالٍ اضعيف من تدوشه كلمة وتزعجه الأخبار يسمع سوالف كل أبوها تخاريف ثم يندمر وضعه والأعصاب تنهار يدبر عن الدنيا ثم نفسه تعيف ثم يهجره ربعه ويمسي بلا جار ينسونه وكلٍ يطوّفه تطويف خلك طليق حجاج ومبسمك نوار اضحك بوجه الناس من غير تكليف ولا دوبرت والفكر محتاس محتار اسجد لرب الناس ما ينفع الكيف