قصيدة المعسل
سق لي يبو خالد سطولٍ من الكيف
من وارد البحرين نخلة وفاخر
نحوم ونبحث ما تهم التكاليف
محدن على الموجود راضي وصابر
الكيف ما هو كيف صاير سواليف
طعمه تردّى وانت شايف وخابر
يا ما حلى رأسٍ وسط اخضر الريف
والجمر محتميٍ على الرأس ساعر
واللّي منتصبٍ تقل كنّه السيف
مع سحبتٍ منه تزين الخواطر
ويّا رجالٍ فعلهم مب سواليف
يا زين جلستهم عسى دوم عامر
فبراير 2021م
Comments
Post a Comment