أبوي علي الله يرحمه
ذاب السنام الي على الظهر مرتز
والجسم أصبح عقبه ضامر وذاوي
يا بوي حنا لا ذكرناك نعتز
نفخر بأسمك ونصدح به عزاوي
ترى النجم لا طاح بالأرض تهتز
وانا على طيحته مانيب قاوي
اليوم قلبي بين الأضلاع مجتز
ما ظنتي للحزن أحدٍ يداوي
المشاعر
أثْر المشاعر تِتعب الناس بالحيل تصبح على حالٍ وتمسي على حال لا منّها فاضت كما فايض السيل سيلٍ يخابط بك من الجال للجال امّا تعسفها مثل ماتِعسَف الخيل والا تعثر كان ما انته بـ خيال وان كان ما تصبر على فوحة الهيل لاشك يبدي منك ردات الأفعال راع المشاعر واحذر تزوّد الكيل أُوزن كلامك قبل تنطق بمكيال واحذر من الزلّة ترى نارها ويل ما يِخمده مزنٍ ولا غيم هَمّال وأْعرف تميز راعي القال والقيل فتان بين الناس وللهرج نقال خلك بعيدٍ عنْه وأبعد من سهيل كان السعَد ترجيه يا طيّب الفال ولا ترتجي شمس الضَّحى بظلمة الليل ولا يستقيم العود من عقْب ما مال يناير 2026م
Comments
Post a Comment