نوف

 استبشروا جاتكم نوف الفهد يا هلي

خيْرَه سبق جيّتَه واللي رزَق نشكره

الواهب الرازق بسابع سماء معتلي

نرجي رضاه وخطايانا نبي يغفره

هو القوي نسأله سود السحب تنجلي

وجباهنا ساجدة له دايمن نذكره

هو من يسوق السحاب الراهي الممتلي

واللي ببطنه على البيداء نبي يمطره

يسقي ديارٍ حموا اسوارها آلاد علي

أجدادنا فخْرنا وافعالهم نخبره

هم من بنوا أرضها من بعد ما هي خلي

يا بنتي أصبح لنا دربٍ وجسر نعبره

يا خال بنتك بعيني مثل ما قلت لي

وبقلوبنا نوفنا وبحبّنا نغمره

تستاهل أحلى الذهب يرخص لها وإن غلي

وان كان حفر الصخر متطلبن لحفره