عابرة

 يا قايد الشانجان أهلين وسهلين

لمحة يتيمة خربطت لي المسارات

كلما التفت .. القاك يا كامل الزين

بالعين ترمينا وبتغير غارات

ترمي وما ترحم قليب المسيكين

تجرح وتكوي عقبها بلجميرات

قمت اتصدد ما ابي العين بالعين

خوفي اسرّح به وأزيد المضرات

قدامي رنج اثنين وعشرين وألفين 

لمسة بسيطة ما تجيب المسرات

دقشة تدخلني بتكفى أبي دين

والعين عقبه بالليالي سهيرات

ما ضنتي يا بنت هذا الي تبغين

الي تبينه مني ما غير نظرات

مرات افر ومرات انتي تكرين 

مشوارنا قضّيته كرات وفرات

صارت مشاويري حروب وميادين

امجنن وساهر وبيض المهيرات 

يالله تحفظنا وبنردد آمين

تغفر معاصينا كبار وصغيرات